Pagina principala
|
|
 Vos in vedrina Ol Jann Galeaz Viscont (Pavia, 16 de otover 1351 - Meregnan, 3 de setember 1402) l'è stait un member de la dinastia Viscont, Sior de Milan e, despò del 1395, prim Duca de Milan. Fiœl del Galeaz II e de la Bianca de Savoia, ind el 1360 l'ha sposad l'Isabella de Valois, s'cieta del re de França Joann II. La dota de la sposa l'è staita la Contea de Sommières, pò cambiada con qella de Vertus, de la qual ol Jann Galez al ciaperà ol sovernom de Cont de Virtuu. Ol matrimone l'è miga stait fortunad: tuts i s'cietin mas'c (Jann Galeaz, Azon, Carl) i è morts, e a la fin anca l'istessa mader, ind el partorir l'ultem, l'è spirada; domà l'unega fiœla, la Valentina, l'è restaita col pader. Intratant ol Jann Galeaz l'ha fait esperienza ind l'art de la guerra e de la diplomazia, grazia ai conflits intra la so fameia e i Savoia. Ind el 1373, aprœv a Monticiar, l'è stait vencid e ferid dei trupe nemixe. L'ann dop l'ha rapresentad ol so pader ind i tratative cond l'Amedee IV de Savoia, e l'ha firmad la pax de Casal. (innanz)
 Te 'l savevet che ... L'armandoleta (del latin tard pandura, del grech πανδοῦρα) a l'è un strument musegal a petaca de la familia di ligut, derivad de l'arab oud aprodad in Europa in del medioev. A l'è una variant italiana de origen cinch-centesca e l'è compagna del mandolin che insema a lee el s'è evolud. In de la so variant contemporanea, anca l'armandoleta, foeura che per i dimension, la gh'ha quater dobie corde acordade per quinte. L'armandoleta tenor (diapason de circa 44 cm), pussee rara, la presenta l'istessa acordadura del mandolin (sol, re, la, mi), un'otava sota; inscambi l'armandoleta contralt, pussee comuna, a l'è acordada, coma la vioeula, una quinta sota al mandolin (do, sol, re, la) diapason 40,5/41. Per quella reson la segonda la vegn di voeulte doperada in di orchestre a pateca indova la poeul havé el roeull che la vioeula la gh'ha in orchestra. (Va inanz)
 In di olter lengovI des Wikipedie con pussee de articoi: Ingles, Cebuan, Todesch, Svedes, Frances, Olandes, Russ, Spagnoeul, Italian, Arab Egizzian Alter lengov minoritari e piscinine: Normand, Arpitan, Mirandes, Romancc, Ladin sgiudee-spagnoeul, Estremegn, Avar, Colognasch, Gagauz, Tatar de Crimeja
 Un proverbi a cas
"Chi volta el cul a Milan, volta el cul al pan" |
 Ocio!
 WikipediaWikipedia l'è un'enciclopedia libera e portada inanz apena de utent volontari. El so obietiv l'è de menà la cognossenza libera a tucc e in pussee lengov che se po. I nost Cinch Pilaster inn:
Una vos de scriver
 Cossa se po fà?
|
